මිලදී ගන්නා මස් ත්‍රිකෝටි පාරිශුද්ධ නැති බවයි මට නම් හිතෙන්නේ.

අපි බුදුන් කියපු දෙයක් හරියට තේරුම් ගන්න නම් කියපු කාලය සහ කියපු හේතුත් හොඳින් විම්සිල්ලෙන් බලන්න ඕනේ. බුදුන් ගේ කාලයේ හාමුදුරුවරු ආරාධනවෙන් දාන වලට වඩින එක අඩුවෙන් වුන බවයි පෙනෙන්නේ. එම නිසා තමන් වෙනුවෙන් නොමරපු(මිලදී නොගත් කීවත් එකමයි.) මස් ඒ කාලයේදී නිතරම හම්බ වුනා. බොහෝ විට පිඬු සිඟා වඩින විට, කැලේ යන විට, සහ වැඩ සිටින විට අහම්බෙන් එතනින් යන කෙනෙක්ගෙන්. එම නිසා ත්‍රිකෝටි පාරිශුද්ධ මස් ඒ කාලයේ නිතරම තිබුනා, ඒ නිසයි ඒ ගැන පැහදිලි කරලා තියෙන්නේ.

යමෙක් කෙලින්ම ඝාතනයට හවුල් නොවුනත් එම මස් කෑම සුදුසු නැති බව කියන්නයි තමා වෙනුවෙන් මැරූ බවට සැක නැතිව දනගත යුතු බව කියා ඇත්තේ. මෙහි අදහස තමා නිසා කිසි සතෙකුට හිංසාවක් නොවෙන බවට වග බලා ගැනීමයි. බුදුන් අවිහින්සා වාදියෙක්.

හොඳින් හිතා බැලුවොත් මෙහි එතරම් තර්කයට දෙයක් නැති බව තමා මට පෙනෙන්නේ.

තව එකක්, බුදුන් මස් කෑ බව කවුරු හරි කිසි තැනක අහලා තියෙන්වද?

බුදු බණ දැන ගත්තත් නැතත්, මිනිසුන් පින් පව් ගැන තැකීමක් නැහැ. හොඳ නරක ගැන අපි හැමෝටම අවබෝධයක තියෙනවා. නරක වැඩ වලින් වලකින්න කියන පුරුද්ද, පෙලඹවීම වැඩිපුර ඇවිල්ලා තියෙන්නේ, නීති වලින් මිසක් ආගමෙන් නෙවෙයි. මිනිස්සු ආගම තමන්ට කැමති විදියට වෙනස් කරගන්නවා.

හැම ආගමක්ම එහෙමයි. උදාහරනයක් විදිහට, මිනිස්සු දන්නවා මස් කෑම බුදුන් කිසි දිනක අනුමත නොකල බව. එය තර්කයෙන්ම දැනෙන දෙයක්. නමුත් බුදුන්, මස් කෑම වැරැද්දක් නොවන අවස්ථා ඇති බවත් පෙන්වා දී ඇති බව පෙනෙනවා. මට නම් බුදුන්ගේ අදහස මේ වගේ පෙනෙන්නේ. "හැකි සෑම විටම මස් කෑමෙන් වලකින්න. මන්ද යත් එමගින් සතෙකුට ඔබ නිසා හින්සනක් වීමට ඇති ඉඩ අවම වන බැවිනි."

ඇතැම් අයෙකුට මස් කෑමට ඇති කෑදර කමෙන් මිදිය නොහැකියි. එය ඔහු කන සතාත් ඔහුත් අතර ප්‍රශ්නයක් මිස වෙන කාටවත් ඒ ගැන ගැටලුවක් නැහැ. නමුත් තමාගේ එම ක්‍රියාව, ආගම තුල සාධාරණීය කල යුතු බවට එවන් අය සිතන්නේ ඇයිදැයි යන්න ගැටලුවක්. ඇතැම් විට තමා තුලම එම ක්‍රියාව පිලිබඳ සැකයක් ඇති වීම විය හැකියි. ඒත් බුදු දහමේ හරය එසේ විකෘති කිරීමට යාම වැරැද්ද්ක්.

කාලයක් මා අන්තර්ජාලය තුල එක්තරා කල්ලියකට බැඳී සිටියා. මෙහි සිටියේ ලෝකයේ නොයෙක් රටවල බෞද්ධයන්. ඔවුන්ගේ වෙනස නම් ශ්‍රී ලංකවේ බෞද්ධයන් මෙන් ජන්මයෙන් බෞද්ධ බව ලැබූ අය නොව අවබෝධයෙන් පැමිණි අය වීමයි. ඔවුන් බොහෝ දෙනෙක් සමග නම් මෙය තර්ක කිරීමටවත් දෙයක් වුනේ නැහැ.